Nuummi nipilersornikkut pikialaarneq iluatsilluarpoq

Nuummi pingasunngormalli nipilersornermik pikialaartitsineq allatulaartoq ingerlanneqarpoq. Tassa Jazzimik blues-imik inukkuunillu nipilersortartut nunatsinneersut nunanillu allaneersut kateripput, Jazz blues folk festivalimik taallugu. Festivaali ullumikkut naggataarneqarpoq, Katuamilli aaqqissuisoq Kim Larsen festivalip qanoq ingerlasimaneranik naliliisipparput.

- Ajunngilluinartumik ingerlasimavoq tusarnaartitsinerit 28-iusimapput. Tassani nipilersoqatigiit assigiinngitsut 15-init katillugit 100-it missaani inuttallit tusarnaartitsisimallutik. Tusarnaartitsinerit ornigarneqarlualaartorujussuupput tusarnaariat katillutik 1550-it 1600-llu akornanniissimammata. Tusarnaariallu tusakkatik assorujussuaq nuannarisarsimavaat, Kim Larsen unnersiorpoq.

Nipilersornermik aaqqissuussineq nunatsinni nipilersoqatigiinnit erinarsoqatigiinnit nunanilu allaneersunit peqataaffigineqarpoq. Nalunngilluakkagut soorlu Pele Møller Band, Ulf Fleischer, inuusuttut Ilulissaneersut Disko Bay Blues, Jim Milne nunanilu allanit savalimmiormiut Gogo Blues Danmarkimiit Blue Junction Islandimiit Svare Thoroddson Sverigimit Enok arlarpassuillu tusarnaartitseqattaarput.

Kim Larsen unnersiorpoq festivaali Nuummiunit ornigarneqarluarsimasoq, oqarlunilu tullianik Jazz blues aamma inukkuunik festivaaleqartoqassasoq ukioq ataaseq affarlu qaangiuppat. Jazz blues inukkuunillu festivaleqartarneq Nuummi pisartussanngorlugu aaqqissuussaavoq. Aaqqissuussineq Nordisk Kulturfondtimit Numussimillu aningaasaliiffigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat