Nuummi nioqqutissat akii assigiinngeqaat
Nuummi pisiassat sorliit sumi qanoq akeqarnerinik nalunaarusiortoqarpoq.
Pisiniarfiit assigiinngitsut pisuttuarujoortilluni saneqqussinnaagaanni akikinnersiuilaarluni aningaasanik sipaartoqarsinnaavoq. Assersuutigalugit uku pisiarigaanni; Beauvais Wienergryde, kissatassat, Siku, Sikomit sanaaq, køkkenrulle, folia plastikki nerisassanut poortuut, errukkanut qaqorsaat, errorsilluni qaqorsaatit quliullu. 403 koruuneqarsinnaapput, tassa pisiniarfinni akisunerni pisiarigaanni, akikinnernili pisiarigaanni 189 koruuniinnarnik akilersinnaavatit, tassa 214 koruuninik akikinnerutillugit. Ukua pisiarisuusaakkavut taama akikinnerutigisumik pisiarineqarsinnaammata ilumooraluarpoq aatsaalli pisiniarfiit tallimat aqqusaarusukkaanni. Brugsenimi Pisiffimmilu pisiassat amerlanerit akikinnerugaluartut aamma taakkunani akit assigiinngillat. Illit immussuaq mamarisat aallarniutigalugu sumi akikinnerunersoq paasiniariaruk.
