Nuummi nillerneruvoq
Asiami(Asiaq) sila pillugu misissueqqaarnerit manna tikillugu ingerlanneqarsimasut naapertorlugit Nuummi ukioq manna tikillugu ississimaqaaq silaannarlu panertorujussuusimalluni.
Januaarip qaammataani 30 millimeteriinnarmik nakkaasoqarsimavoq – januaarimi nalinginnaasumik pisartunit 10 millimeterimik annikinnerulluni. Nittaannerusimavoq – tassami ataasiarluniluunniit siallersimanngilaq, siorna sisamariarluni siallersimalluni.
Silaannaap nillernera nittaassimaneranut aamma pissutaavoq, silaannarmi ima kissatsitsigisimangilaq siallersinnaasimalluni. Agguaqatigiissillugu 9,3-mik ississimavoq, siorna agguaqatigiissillugu taamaallaat 8,3-mik ississimalluni.
Nuummi aamma anoraasassimaqaaq. Manna tikillugu ataasiaannavilluni anorersuartut sakkortutigisumik anorsarissimavoq – siorna taamaalinerani ullut arfineq-marluk anorlingaatsiarsimalluni.