Nuummi Narsamilu politiit takunnissimasinnaasunik ujaasipput
Nuummi politiit taama nalunaarput.
Angut 39-nik ukiulik aalakoortoq unnuaq nalunaaqutaq tallimanut qiteqquttoq, H.J. Rinksvejimi immiaaqqap puukuanik niaqqumigut milorneqarpoq, milorsisullu angutip puussiaataa immiaaqqanik imalik tigoriarlugu qimaalluni.
Tamatuma kinguninnguagut angut 39-nik ukiulik ambulancenik napparsimmaviliaanneqarpoq. Angut inuunerminik ulorianartorsiunngitsoq oqaatigineqarpoq.
Saassussisoq tassaanerarneqarpoq angut inuusuttoq tungujortumik qaatiguulik.
Nuummi politiit pisumut takunnissimasinnaasunik ilisimasaqartunilluunniit atassuteqarusupput.
Nuummi politiit oqarasuaataat normoqarpoq 32 14 48, tassa 32 14 48.
Aamma Narsami politiit ujaaraat 31-nik ukiulik Arruttaq Manumina,
pingasunngormat unnukkut kingullermik takuneqartoq.
Arruttaq Manumina tarnimigut toqqissisimanngilaq piffissamilu kingullermi nikallungasorujussuulluni. Taamaattumillu Narsami naapparsimmavimmut unitsinneqarluni. Pingasunngornikkut unnukkut malugineqarani napparsimmavimmit anisimavoq, taamanimiillu takoqqinneqarani.
Arruttaq Manumina 175 - 180 centimeterit missaannik angissuseqarpoq, tuattuulluuni kingullermillu takuneqarami atisarai: kavaajaq qernertoq naatsoq, tujuuluaraq qasertoq qaamasoq, qarliit qasertut taartut skuullu arpaatit qasertut.
Arruttaq Kristiansenip sumiinneranik ilisimanittoqaruni, ilisimannittut Narsami politiinut nalunaaqquneqarput, Narsami politiit oqarasuaataat normoqarpoq 49 77 22, tassa 49 77 22.
