Nuummi nakorsiartarfimmut piffissatut inniminnikkat tamaasa atorunnaarsinneqartut

Coronavirusip tuniluutilinnginnissaa pillugu Dronning Ingridip Peqqissaaviata nakorsiartarfianut piffissatut inniminnikkat tamarmik ataasinngornermi marsip ulluisa 23-anniit atorunnaarsinneqarput.
Nakorsamit takuneqarnissamik suli pisariaqartitsisutut imminut naliliivigigaanni Dronning Ingridip Peqqisaavianut oqarasuaatikkut 80 11 11-imut sianertoqarsinnaavoq. Assi © : Simon Uldum
Allattoq Ivik Kristiansen
marsip 19-at 2020 08:32
Nutserisoq Mads Lynge

Nakorsamit takuneqarnissamik suli pisariaqartitsisutut imminut naliliivigigaanni Dronning Ingridip Peqqisaavianut oqarasuaatikkut 80 11 11-imut sianertoqarsinnaavoq, coronavirusili pillugu saaffiginnittut amerlammata oqarasuaatikkut attaveqarniarnermi sivisuumik utaqqisoqarsinnaanissaa sillimaffigeqquneqarpoq.

AAMMA ATUARUK Angerlarsimaffimmi mattussaaqqaneq? Ima iliussaatit

Nuup matuneqarnera Nuummi kigutileritinnissamut neqeroorutinut aamma sunniuteqarpoq, kigutileritinnissammi pinasuartuunngitsut tamarmik, matumani meeqqanut, inuusuttunut inersimasunullu kigutigissaanermut neqeroorutit ilanngullugit ippassaq pingasunngornermi marsip ulluisa 18-iannit matuneqarput.

AAMMA ATUARUK Suliaritinnissat tamarmik pinartuunngitsut coronavirusi pissutigalugu kinguartinneqartut

Pinasuartumik kigutileritittussat oqarasuaammut 80 11 10-mut ullaakkut nalunaaqutaq arfineq-pingasunut qiteqqunneranit arfineq-pingasunut tanneq qulingiluat tungaannut sianersinnaassasut Peqqinnissamut Qullersaqarfiup nalunaarutigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq