Nuummi nakorsiarniarluni inniminniiniarneq sivikillissaaq
Erseqqissaatigineqarpoq, piffissaq oqarasuaatikkut attaveqartarnerup sivikillineqarneratigut innuttaasut utaqqilussinnartassanngimmata.
Oqarasuaatikkut nakorsamik attaveqarniarlutik sianertut tamarmik kiffartuunneqassapput
Ataasinngorneq septembarip arfineq pingajuat aallarnerfigalugu nalunaaqutaq arfineq pingasut qaangerlugit tanneq pingasuniit qulingiluanut qaleriinnissaata tungaanut sianertoqarsinnaasalissaaq.
- Maannamut qulingiluat tungaannut sianertoqarsinnaasimavoq, taamaalilluni piffissaq oqarasuaammut atortagaq sivikillineqassaaq, taarsiullugu nakorsaq nakorsiartitsinissaminut piffissaqarnerulissaaq.
AAMMA ATUARUK Nakorsaaneq: Nakorsaq oqaloqatigissaqqaarpat, utaqqeqqaassaatilli
Innuttaasut peqqissutsimikkut ajornartorsiuteqarlutik sianertut, oqarasuaatikkut oqaloqateqarnerup saniatigut takkullutik nakorsiarnissaq pisariaqartittarsimagaat, Peqqissaavik nalunaarpoq.
Utaqqineq akeqanngilaq
Saammarsaatigisinnaavarput Peqqissaavik Nuummiittoq ilanngullugu nalunaarmat ataasiaannarluni sianeraanni utaqqineq akeqanngimmat.