Nuummi najugallip ajunaarnersuaq misigisaqarfigigaa

Thailandimioq Nuummut nuunneq, Wichuta Salin, Thailandimi Phuketimi feeriartilluni ajunaarnersuartoqarneranik qanimut misigisaqarpoq.

Radioaviisillu Wichuta Salinip attaveqarfigaa.

Naak telefonikkut attaveqaat ajoraluaqisoq, paasinarpoq Wichuta Salin toqqissiallassimaqisoq.

Hotelimiippoq, sissamit 150 meterinik ungasissulimmi najugaqarluni.

Toqqissiallassimavoq. Qaarnersuup siulliup kinguninngua sissamut alakkaajartorsimavoq, taamaalineranilu qaarnersuup aappaa pisimalluni. Inuillu qimarrattut ilarisimavai:

Lyd: (råbånd) a et – fade….

Inuit ilimagisimanngilaat taama pisoqassasoq. Malerujussuullu nunamut qanilliartulermat sukkatsissimavoq, taamaalimmallu inuit qimarratilersimallutik, ilaallu orlusarniarlutik, Wichuta Salin unnersiorpoq.

Biilerpassuit motorcykelerpassuillu sissamit qimagutitinneqalermata, inuppassuillu uivernerisa oqaluttuarigeeraalu telefoni nipaallivoq.

Inuit orlunikut malerujussuarmit eqqorneqarput, Wichuta Salinili nammineq hotelimut apuuppoq, uinilu ajunngitsoq siumorlugu.

Politiit allallu saliineq aallartereerpaat, sivisussagunarporli, aseruatiternerimmi annertoqaat:

Inuppassuit ajunaarmata alianaqaaq, namminerli uumagama qujaqaanga, Thailandimioq Nuummut nuunneq, Wichuta Salin naggasiivoq.

Wichuta Nuummi errorsisarfimmi sulisuuvoq, ilaqutaalu Thailandimiittut ajunaarnersuarmit eqqorneqarsimanngillat.

Ilimagaa uinilu februaarip tungaanut Thailandimi feeriaannassallutik.

Kalaallit Nunaanni Thailandimiut peqatigiiffiat, Asiami ajunaarnersuarmit eqqorneqarsimasut ikiorserniarlugit katersuisitsiniarpoq. Aningaasat Grønlandsbankimi kontonummerimut uunga tunniunneqarsinnaapput:

6471 – 1718921

Normu taanna KNR-ip nittartagaatigut www.knr.gl-ikkut

aamma takuneqarsinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat