Assi: KNR / Malik Brøns

Nuummi mittarfiliortuni coronamik tunillatsissimasut pingasut nutaat paasineqartut

Munck Gruppenimi sulisut 80-it ullumi misissorteqqipput.

Nuummi mittarfiliortunit pingasut allat tunillatsissimasut uppernarsarneqarpoq.

Tamanna sulisut 80-it ullumi misissortikaaqqinnerani paasineqarpoq, nakorsaaneq, Henrik L. Hansen KNR-imut paasissutissiivoq.

Taamaalilluni Nuummi tunillatsissimasut katillugit maanna qulingiluaalerput, nunatsinnilu kisimi tunillatsissimasoqarfiulluni.

- Inuit 160-it missaanniittut ullumi misissorpagut. Pingaarnertullu mittarfiliortuni sulisut misissorneqarput. Taakkunani pingasut tunillatsissimasut nassaarivagut, ataaseq napparsimalaarpoq, ataaserlu ersiuteqalaarluni. Taakku marluk ineqarfimminiipput, pingajualli Nuummi mattusimavoq. Tuniluuttoqarnissaani maannakkut ilimanaateqanngilaq, nunatta nakorsaanera, Henrik L. Hansen oqarpoq.

AAMMA ATUARUK Kalaallit Airports tunillatsittoqarnera pillugu: Sulineq ilisimasaqarnerulernissatta tungaanut uninngagallarpoq

Nuuk coronamik ernumassuteqarneq pissutigalugu sapaatip akunnerata ataatsip matuma siorna matuneqarpoq. Nuummimi ukiup affangajaani coronamik tunillatsissimasumik uppernarsaasoqanngereertup tunillatsissimasut sapaatip akunnerata siuliani amerlipput.

- Mittarfiup eqqaani najugallit tamarmik mattusimagallarput. Taakku arlaannaalluunniit isortoqaqqusaananilu anisoqaqqusaanngilaq. Taakanimi tuniluuttoqarsinnaammat. Najugaqarfiit avataani mattusimanikut misissortikkamik tunillatsissimanngimmata mattusimajunnaarput.

- Kaammattuutigissavarput mittarfiliortunut qanillisimasunut ersiuteqalersimasunullu peqqinnisaqarfimmut saaffiginnissutigineqassammat.

Nuuk matusoq

Coronamik tuniluuttoqalersimasinnaanerata ernumassutigineqarnera pissutigalugu Nuuk sapaatip akunnerata siuliani matuneqarpoq. Nuummimi ukiup affangajaani tunillatsissimasoqanngereersoq tunillatsissimasut amerleriapiloorput.

Inuit marluk nunatsinnukarsimasut angerlarsimmaannarsimareersullu tunillatsissimasutut siullermik paasineqarput.

Tamatuma kingorna inuk alla tunillatsissimasoq uppernarsarneqarpoq. Pineqartulli nunatsinnut sapaatit akunneri arfinillit sioqqullugillu nunatsinniilereersimavoq. Taamaammat sumit tunillatsissimanera ilisimaneqanngilaq.

AAMMA ATUARUK Killilersuinerit atorunnaarsinneqarput: Nutaanik tunillatsissimasoqanngilaq

Taannalu illoqarfissiorlunilu neriniartarfimmi nerisimavoq. Taamaammat Herefordimit, Daddysimi Skylinemiluunniit maajip ulluisa 22-anni isersimasut tamarmik misissorteqquneqarput.

Tunillatsissimasut pingasut tamarmik Munck Gruppenimi Nuummi mittarfissamik sanaartortumi sulisuupput. Taakku suleqatai 80-it tamarmik tallimanngornermi aamma misissorneqarput tassangalu pingasut tunillatsissimasut paasineqarpoq.

Maanna sapaatip akunnera qaangiuttoq misissuingaatsiartoqaqqippoq, Munck Gruppenimiillu pingasut allat tunillatsissimasut aamma paasineqarpqo.

Mittarfimmik sanaartortut avataanni tunillatsissimasoqanngilaq.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

Siullermik kapitissimasut 21.008
Aappassaa kapitissimasut 9.356
Misissorneqareersimasut 27.168
Tunillanneqarsimasut 44
Peqqisseqqittut 40
Uninngasut 1
Anersaartuuteqartitaasut 0
Toqquteqartut 0
nun.gl-imi titartaganngorlugit:
Kapitissimasut | Tunillatsissimasut
 
   Nutarterneqarpoq: 
Juunip 14-at 2021 nal. 10:45