Nuummi meeqqat naamaartaleraluttuinnarput
Meeqqat inuusuttullu naamaartaleraluttuinnarput. Nuup kommuneani meeqqanut ilaqutariinnermullu sullissivimmi pisortaq Dora Kleist tamanna pillugu ikiorneqarnissamik noqqaavoq.
– Inuttaasunit ikiorneqartariaqarpugut, Dora Kleist oqarpoq.
Taakku upernaaq Nuummi radiop qaqqaani inissiat majuartarfeqarfiini kiileriinilu karsit gassit puukui naamaarutaasimasut nassaariortorpavut, oqarpoq Dora Kleist.
Naamaartartut kikkuunerat paasineqarsimanngilaq, najugaqartullu ikiortiserineqarsimapput naammattuuisoqassagaluarpat nalunaarasuaqqullugit. Nalunaartoqarsimanngilarli maannalu miljøarbejderit qanoq ilioriusissaarupput.
- Imaassinnaavoq paquminarpallaarsorineqartoq. Tupinnaqaarli qisuariarfigineqanngimmat, meeqqammi 18-leereersimanngitsut gassinik imalinnik piseqqusaanngillat suminngaanniit taava pisimassavaat?
- Tamatta kikkuugaluaruttaluunniit nalunngilarput puujaasat gassimik imallit ikiaroorutitut atussallugit qanoq navianarsinnaatigisut, Dora Kleist oqarpoq.
Miljøarbejderinit misilittagaraat naamaartoqarneratigut toqusoqarsimanera.
Dora Kleist innuttaasunut kajumissaarivoq, meeqqanik inuusuttunilluunniit naamaartarnermik atornerluisunik ilisimannittoqarpat kommunip iluani meeqqanut ilaqutariinnermullu sullissivimmut nalunaarutigineqaqqullugit.
