Nuummi meeqqat atuarfiini kalaallit oqaasii katataapput

Danskit oqaasii TV-mi, filmini computerspil-inilu atugaaqimmata meeqqat atualeratilli danskit oqaasiinik piginnaaneqalereertarput.

- Taamaattumik meeqqat atuarfiini kalaaliaqqat qallunaajaqqallu ataatsimut atuartitaasalermata kalaallit oqaasii pilliutigineqarput, taama isumaqarpoq ilinniartitsisoq PaornánguaK` Berthelsen Nuummi klassimi kalaaliaqqanik qallunaajaqqanillu atuartulimmi ukiut arfineq-pingajussaa ilinniartitsisuusoq.

PaornánguaK´ Berthelsen oqarpoq Nuummi meeqqat atuarfiini kalaallit oqaasii katataagaluttuinnassasut, piaartumik kalaallisut ilinniusiorneq sukumiisumik aallunneqalinngippat. Paornánguaq Berthelsen ilinniartitsisoqatinilu ukiut tallimat atorlugit marlunnik ilinniusioqqammerput sunngiffimminni suliarisaminnik.

PaornánguaK`Berthelsen aamma isumaqarpoq nunanut oqaatsit marluiit atorlugit atuartitsiviusunut inuuffiusunullu paasisassarsiorluarneq iluaquseeqataalluarsinnaasoq.