Nuummi, Maniitsumi Sisimiunilu timmisartuussinissat taamaatiinnarneqartut
Upernarnissaa soorlulusooq ungasilliinnartoq. Nuummi ullaap tungaanili nittaarujussualerpoq. Maniitsoq Sisimiullu aamma silarlupput, tamannalu silaannakkut angalannermut sunniuteqarpoq.
Allattoq Camilla Dam
maajip 18-at 2015 13:59
Nutserisoq Simon Uldum -
Nuummi timmisartumik ataasiinnarmilluunniit tikittoqarsinnaasimanngilaq, Mittarfeqarfinnilu attaveqaqatigiinnermut pisortap Hans Henrik Lichtenbergip oqaatigaa timmisartuussinerit arfineq-pingasut taamaatinnarneqarsimasut, Nuummiillu Nuummullu timmisartuussinerit aatsaat ualeru pisinnaassasut ilimaginerarlugu.
Nuummiit Kangerlussuarmiillu Maniitsumut timmisartuussinerit taamaatiinnarneqarsimapput, Sisimiuniillu Kangerlussuarmut nalunaaqutaq tallimat missaanni timmisartuussisoqarsinnaanissaa naatsorsuutigineqarpoq, ullormulli timmisartuussinissat allat marluk taamaatinnarneqareersimapput.
