Nuummi konsuuleqarfiliornissaq Amerikami senatorip sulissutiginiaraa

Tamanna Canadami Ottawami ataatsimeersuarnermit Northern Lightimit videokkut nalunaaruteqarluni nunanut allanut naalakkersuisumut, Suka K. Frederiksenimut nalunaarutigaa.

Naalakkersuisoq nunallu ilaasa tassa Nunavut, Northwest Territories, Yukon Alaskalu peqatigalugit nunap ilaasa amerika avannarliup issittortaaniittut suleqatigiinnerulernissaat pillugu ataatsimeersuaqatigiipput.

AAMMA ATUARUK Naalakkersuisup Canada suleqatiginerorusukkaa

Naalakkersuisoqarfiit tamarmik suleqatigiilluarnerulernissamut soqutiginninnerminnik ersersitsipput.
 
Ataatsimiinnermi Alaskami Senatorip, Lisa Murkowskip Amerikap Nuummi sinniisoqalernissaanut tapersersuilluni sulissuteqarniarluni erseqqissaatigaa.
 
Taama nalunaaruteqarneq Suka K. Frederiksenip nuannaarutigaa:
 
- Nuummi konsuuleqarfeqalernissamut Alaskami Senatorip Lisa Murkowskip oqariartuutaa tamakkiisumik taperserpara. Imminut tikilluni suleqatigiinnerulernissamut atugassarititaasut attaveqaqatigiinnermuinnaq tunngassuteqaannanngilaq - immitsinnut aamma oqaloqatigiissinnaanerusariaqarpugut.
USA-mi 2014-imili sinniisoqarfeqalerpugut. Amerikamiullu Nuummi sinniisoqalerpata USA-mik suleqateqarnermut annertuumik iluaqutaassaaq, naalakkersuisoq oqarpoq naggasiillunilu:
 
- USA-mi oqartariaatsitut ’We are open for business’.