ASSIT Nuummi Kongevej 11 suli assersugaavoq
Politiit arfininngornermi ullaakkut nal. 7.56 nalunaarput, inuk attaveqarfigisimallugu, kisianni suli tunniutiinnartissinnaasimanagu.
- Politiit oqaatigisinnaavaat, pasisaq angutaasoq, GU-mi ilinniartuusimasoq, tarnikkullu ajornartorsiutilittut tunuliaquteqartuusoq.
- Politiit maannakkuugallartoq naliliipput, pisoqarfiusumik assersuineq pisumillu uninngatitsineq, ippassaq tallimanngornermili attanneqartoq, poltiit iliuusiannik inunnut ajoquserfiunngitsumik naammassinninnisamut qaninnerpaasoq, politiit nalunaarumminni allapput.
Aamma atuaruk Nuummi Kongevej 11-miittut qimagussortippaat
Meeqqanik pisoqarfiusumut appakaatoqartareersoq, assersuineq ataqqineqassasoq, politiit aammaarlutik qinnuiginnipput.
- Politiit taamaammat innuttaasunut kaammattuipput, assersugaasoq ningorsimaniaqqullugu, politiillu innersuussutaat malinniartaqqullugit. Aamma angajoqqaat meeqqamik assersugaasup qanittuanukartittarnissaq inertissagaat, poltiit sukannerusumik inassuteqarput.
Aamma atuaruk Nuummi Qeqqata ilinniarnertuunngorniarfiani siooraneq qaangiuppoq
Aamma atuaruk VIDEO Nuummi GU-mut aallaasersornissamik sioorasaarisoqarnera pissutigalugu politiit qimagussortitsisut
Pissanganartorsiorneq aallartippoq, politiit sioorasaarisoqarsimaneranik tallimanngornermi ullup qeqqarnerani kalerrinneqarmata. Allakkat ilungersunartuummata, GU-miittut tamaasa qanittuanilu meeqqerivimmiittut tamaasa qimagussuutsinneqarput.
Qimagussussineq tallimanngornermi ualikkut tallimanngorluinnartoq atorunnaarpoq. Meeqqat inuusuttullu Katuamut qimarngunneqarsimasut aaneqarput, namminnerluunniit angerlaarlutik. Politiit aamma GU-mik assersuineq taamaatippaat qimallugulu.
