Nuummi kommunalbestyrelsi inissippoq
Allattoq Mads Lynge
maajip 23-at 2005 17:37
Kommunalbestyrelsimut 2005-imi qinersineq ullumi kiisami naammassisutut nalilerneqarsinnaalerpoq.
Nuup kommunalbestyrelsia inissititerluni ataatsimiimmat.
Ataatsimiinneq tupaallannartoqanngilaq. Kommunalbestyrelsip tamarmiulluni Agnethe Davidsen Siumumeersoq borgmesterissatut qinerpaa.
Malînánguak’ Marcussen Mølgaard Inuit Ataqatigiinneersoq borgmesterip tulliatut siullertut inissippoq, tulliatalu aappaatut inissippoq Per Berthelsen Demokraatineersoq.
Kommunalbestyrelsinngorlaat ataatsimiititaliani assigiinngitsuni aamma inissititerput.