Nuummi Kommunalbestyrelsemi ilaasortat naggammik naapissapput
Ataatsimiinneq nalunaaquttap akunnerata ataatsip missarluinnaanik sivisussuseqartussaq kommunalbestyrelsip ataatsimiittarfiani atortorissaarutitigut nutartikkami pissaaq.
Ataatsimiittarfik videokonferencerutinik, tassa illoqarfimmi allamiikkaluarluni ataatsimeeqataasinnaanermut atortorissaarutinik nutaanik aamma nutserisut atortuinik nutaanik pilersorneqaqqammerpoq.
Nuuk Kommuneata ataatsimiittarfigiunnaarlugu Kommuneqarfik Sermersuup 2009-mi januaarip aallaqqaataani ataatsimiittarfigilissavaa.
Nuup Rådhusiani ataatsimiinneq ilaasortanik inuulluaqqusinertut ingerlanneqassaaq, ilaasortallu kalaallisoorumaartut oqaatigineqarpoq.
Borgmester Nikolaj Heinrich ataatsimiinnermi tikilluaqqusereerpat partiit ilaasortallu ataasiakkaat oqaaseqarnerisa akornatigut erinarsoqatigiit NIPE erinarsortassapput.