Nuummi kingumut aallaasersortoqarpoq

Arnaq 45-inik ukiulik imigassartorsimalluni ippassaq unnukkut Nuup ilaani Fiskerby-mi ilisarisimasaminut angummut aallaasersorsimavoq. Angut tuimigut eqqorneqarpoq, inuunerali navianartorsiunngitsoq nalunaarutigineqarpoq.

Aallaasersorneq arnap angerlarsimaffiani ippassaq unnulaannguaq arfineq’marlunut tanneq qulit missaani pivoq, politiit kalerrinneqaramik ingerlaannaq takkupput.

Politiit arlallit sakkulersorsimallutik arnap najugaqarfia unguvaat inissiarsuarmilu najugallit allat isersimaannarnissaannik qinnuigalugit.

Politiit pisortarigallagaat, Johan Davidsen, Radioaviisimut oqarpoq, politiit gasimik qulliliornartumik ilaatigut atuisariaqarsimasut, arnarlu ippassaq unnukkut nalunaaqutaq qulingiluat qaangerlugu tanneq sisamat missaanni tigusarineqarsimasoq.

Johan Davidsenip nalunaarutigaa arnaq inatsit tunngaviusoq naapertorlugu ualeru killisiorneqassasoq, politiinut najugaqarfimminilu inunnut allanut aamma aallaasersorsimasutut unnerluutigineqarsinnaassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat