Nuummi karatertartut 3 million koruuninnattut
Allattoq Mads Lynge
Nuummi suliffeqarfiutillip Svend Junge-p, 3 millioni koruuninik tunissuteqarneratigut Nuummi Karatertartut, Nuuk Shotokan Karate do-mik ateqartut, nutaamik sungiusarfittaarsinnaanngorput.
Angutivik Vahl ukiuni tallimani Nuummi Shotokan-ertartuni ilaasortaasimavoq, nutaamillu sungusarfittaalernertik nuannaarutigeqaa.
Nuummi Shotokan Karatertartut 75-inik ilaasortaqarput, Angutivik Vahlillu neriuutigaa aningaasanik tunineqarnermikkut Nuup innuttaasuinut aamma tunniussisinnaassallutik:
- Taamatut tunineqarnerminni, Nuummi Shotokan Karate do-p suli annertunerusumik innuttaasunut tunniussaqarsinnaalissaaq, Angutivik Vahl oqarpoq.