VIDEO Nuummi ivigaasanik arsaattarfittaaq
![](/sites/default/files/styles/image_934x467/public/oembed_thumbnails/2022-12/xcKfDv02LhPa5PVXNytu77NpFjbfOAhL8C1Dd4nngD0.jpg?itok=NNxwUpBz)
Qaqortumi, Paamiuni, Maniitsumilu peqareerput. Maannalu Nuummi ivigaasanik arsaattarfissaq sanaleruttorpaat.
-Tassa pissanganartorsuuvoq, ippassaq (sisamanngormat, aaqq.) aallartimmata uppernaatsingajapporluunniit pilersaarutit piareersarnikooriarlugit taava massakkut takullugu siaartareersimallugit limeriaannanngorlugit katitertussaagamik akernatigut taava taakkua ullumikkut suliarisussaavaat, pilersaarusiortoq Claus Nielsen KNR-imut oqarpoq.
Nuussuup arsaattarfia ivigaasalersorsimasoq ullumi arsaalluni unammisoqarneratigut atoqqaarfissiorneqassaaq.
Ivigaasanillu arsaattarfik atorneqarluassangatsippaat.
-Nuuk Boldspil Union taakkua suliarissavaat agguataarnerit sisamat kingorna, peqatigiiffiit arsatarsinnaanerit sungiusarsinnaanerit ingerlatissavaat. Ullukkut kommunip tassa atuarfiit meeqqeriviit, kialluunniit soorunami atorneqarsinnaavoq, soorunami ammavoq tamanut, Claus Nielsen KNR-imut nassuiaavoq.
Ullumilu atoqqaarfissiorneqarnissaa piffissalereersimavoq, tassa ualeru tallimanut atoqqaarfissiussavaat.