Nuummi inuusuttuaraq ujajaaffigineqarsimavoq
Angut inuusuttuaraq 15-inik ukiulik Nuummi sapaatip-akunnerata naanerani ujajaaffigineqarpoq, tujuuluaraa mobilialu tillinneqarlutik.
Allattoq Mads Lynge
Angut inuusuttuaraq Nuummi Industrivejikkoortilluni angummit 21-nik ukiulimmit unitsinneqarpoq, sioorasaarneqarlunilu. Tujuuluaraa mobilialu kingorna tillinneqarput. Nuummi politiit ittorigallagaat Poul Verner Nørgaard Radioaviisimut taama ilisimatitsivoq.
Angut 21-nik ukiulik arfininngormat tigusarineqarpoq, inatsillu tunngaviusoq naapertorlugu arfininngornerup ualinerani killisiorneqarluni. Taanna ulluni 14-ini tigummigallagassanngortinneqarpoq.