Nuummi inuppassuit Dronninngi persuarsiutigaat
Dronningip akunnaatsuliinerata nalliuttorsiutiginera qamutilittartoqarpoq. Kingorna Kommuneqarfik Sermersuup borgmesteria Asii Chemnitz Narup dronningimut pilluaqqussummik oqalugiarpoq. Oqalugiareermat erinarsoqatigiit Qissiat erinarsorput.
Sinerissami alapernaarsuutit sakkutuut umiarsuaat, aamma politiit angallataat Nuup saavani aamma nalliuttorsioqataapput.
Nalliuttorsioqataavoq Else Lea Olsen 70-inik ukioqaleqqammersoq.
- Ullumi ulloq uannut pingaartorujussuuvoq. 1940-mi inunngortuuvunga nalliutereerlungalu. Ullaarli iterama eqqarsaatigeqaara ataqqinartorsuup inuuia. Maaneereerutta utoqqaat katerisimaartarfianni kaffisuutissaagut, kaagisuulluta erinarsoqattaarlutalu, oqarpoq.
KNR TV-ip unnugu arfinermiit nalunaaquttap akunnerata affaani Dronningip inuuianut tunngasumik aallakaatitaqassaaq, allanillu aallakaatitassianik akunniliussaqariarluni, nalliuttorsiornermit aallakaatitsinerit nalunaaqutaq arfineq-pingasunut tanneq quliniit qulit qaangerlugit tanneq pingasunut nangissapput, nerersuaqatigiinneq takutinneqassalluni.
