Nuummi inuit marluk ujajaaniarfigineqartut
Angut 43-nik ukiulik Nuummi Qapiarfiusaamit sapaammi apriilip ulluisa arfineq-aappaanni ullaakkut angerlariartortilluni Nuummi Kigutileriuffiup eqqaani angutinit arlalinnit saassunneqarsimavoq, aningaasivialu tillinneqarluni. Saassussisut kingorna qimaasimapput, Nuummilu politiit suli paasiniaallutik.
Angutip saassunneqartup aappaa 20-nik ukiulik pingasunngornermi apriilip ulluisa qulinganni unnukkut angerlariartortilluni Kiassaateqarfiup eqqaani saassunneqarpoq.
Angutit arlallit biilertut biilinit nioriarlutik angut saassussimavaat, kaasarfimmiuilu tillissimariarlugit kingorna qimaallutik.
Nuummi Politiit taamaattoq sapaatip-akunnerata kingulliup ingerlarnga sapaatip-akunnerinut allanut naleqqiullugu eqqissisimaffiunerusutut nalilerpaat.
Ikiaroornartoq hashi 924 grammi arsaarinnissutigineqarsimavoq, soorlu aamma tillinniat inissianut iseriarlutik kavaajat torsuusamiittut tillissimanngikkunikkit tillinniarfigisimallugit, allaat inini tillinniarfiusimasuni inunnik angerlarsimasoqaraluartoq tillinniartoqartarsimalluni.
Nuummi Politiit taamaammat kaammattuutigaat inuit angerlarsimagaluarunilluunniit matut parnaaqqusarlugit.