Nuummi inuit marluk toqupput
Nuummi politiit KNR-imut ualimut uppernarsarpaat, politiit inuit marluk toqunerannut atatillugu paasiniaallutik.
Allattoq Elisa Isaksen
Pisimasoq politiit misissuiffigileruttorpaat, annerusumillu oqaaseqarfigerusunngikkallarlugu - tamatumunnga ilanngullugit sumi sunalu toqqutigisimaneraat oqaaseqarfigerusunngikkallarpaat.
Mette Damgaardip, Nuummi politiineersup oqaatigaa, toqutsisoqarsimanera tamatumunngalu atatillugu imminut toquttoqarsimanera, politiit ilimagigaat.
- Ilimagisavut tamakku najoqqutaralugit maanna misissuivugut. Maannali misissuileruttoratta maannakkut annerusumik oqaaseqarsinnaangilagut, Mette Damgaard KNR-imut oqarpoq.
Qanigisaasut qaninnernit ilisimatinneqareersut, politiinit oqaatigineqarpoq.