KNR-ip inuit apersukkani qanillivallaarniarnagit mikrofonimut tigummissut takisooq atulerpaa. Taamaalilluta nakorsaanerup innersuussutai malillutigit.Assi: KNR

Nuummi inuit coronavirusip ernumatiginera pillugu: - Imminut paarineruvugut

Nunatsinni coronavirusimik tunillatsissimasoq siulleq paasineqaqqammerpoq, inuillu ernumapput.

Asalluartarlutillu asakulagit, tallinnut silaannarmuunngitsoq tangajortarit, eqitaarinak, qitserarnak inunnulluunniit allanut qanippallaarnak.

Nunatta nakorsaaneqarfiata tamakku innersuussutigai.

Nunatsinni coronavirusimik tunillatsissimasunik suli nalunaarsuisoqanngilaq. Taamaakkaluartorli inut ernumapput, tamaammat KNR-ip inuit sisamat Nuup qeqqani naapitani tunillatsinnaveersaarniarlutik qanoq iliuuseqarniarnersoq apeqquteqarfigai.

Kalaaliaqqami innersuussutip malillugit nalinginnaasumik eqqiluisaarnerusoqarpoq.

 

- Soorunami mianersussaagut, maanga pisiniarpassuit ullormut isertarmata aamma sajaalluartorujussuuvugut, Hanseeraq Lynge oqarpoq, nangillunilu:

- Suna tamarmi matserfiit assigisaalu tunillaannartuiarneqarput. Suna tamarmi inuit assaminnik attorsinnaasagaat.

 

- Soorunami ernumanaqaaq. Aammami aatssaat siullerpaami nunarsuarmioqatit tamarmik virusimut ernumanerat nalaapparput, Karen Fleischer oqarpoq, nangillunilu:

 

- Naalakkersuisut oqartussallu oqaatigisaannut fjernsynikkut malinnaavugut. Taamaalilluta innersuussutaasut takkuttut malippagut, ernumavallaarnaveersaarpugut.

- Spritimik qaqorsaammillu pisivugut. Ernuttagullu errortorluartassasut qinnuigalugit.

 

 

- Soorunami ernumanaqaaq. Pingartumik utoqqalilluni. Inuiaqatigiinnilu sanngiinnerusut aamma eqqarsaatigivakka, Agathe Sørensen oqarpoq.

 

- Paarilluartorujussuuvunga. Assut. Uagutsinniit anerusuppallaanngivippunga, Sigrid H. Dalager oqarpoq.

- Assakka nalinginnaasumit errortorluarnerusarpakka, inunnillu naapitsigaangama ulussakkut kunissinaveersaarlunga.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat