Nuummi innuttaasut ukiut 13-it qaangiuppata 30.000-it

Kalaallit Nunaanni illoqarfiit pingaarnersaanni Nuummi ukiut 13-it qaangiuppata innuttaasut 30.000-it inissaqartinneqartariaqarput. Tamanna kommuneqarfik Sermersuup periussissiaani iliuuseqarfiginiarneqarpoq.

- Kommunalbestyrelsemi arlaleriarlugu oqallisigisarsimavarput , Nuup illoqarfiata pilersaarusiorneqarnissaata qanoq pingaaruteqartiginera taava oqaluinnarusunnata sukumiisorujussuarmik sammisimallutigu, Kommuneqarfik Sermersuumi borgmesteri Asii Chemnitz Narup taama oqarpoq.

Illoqarfiup Nuup orniginartunngortinneqarnissaa periusissiami pingaartinneqarpoq.

Nuup illoqarfittaani sanaartukkat imminnut qaninnerussapput, Nuup ilaa Qinngorput allineqassaaq.

Kommune periusissiornermini illoqarfik Nuuk issittumi maligassiuisuunissaa anguniarneqarpoq.

Nuummi innuttaasut ukiut 13-it qaangiuppata marloriaatinngorsimanissaat aallaavigalugu

periusissiortoqarpoq.

AAMMA ATUARUK Arctic Round Table: Nuummi periarfissatsialaat

Taamaattumik innuttaasut najugaqarfeqartariaqarput illoqarfillu ornikkuminartunngortinneqartariaqarpoq.

- Taamaattumik pilerinarsartariaqarsorivarput, nalunnginnatsigu kalaalerpassuit qallunaat nunaanni aamma nunani allani ilinniartut taakkua naammassigunik angerlarnissaannut pilersaarsinnaasoraagut Nuuk illoqarfittut nuannersutut ineriartortikkutsigu, Asii Chemnitz Narup oqarpoq.

Innuttasut amerlanerusut Nuummut nuunnissaat periusissiami ilaavoq.

Naatsorsueqqissaartarfiup misissuisitsisimaneranit erserpoq Kalaallit Nunaanni innuttaasut 15-it qaangiuppata innuttaasut ikinnerulissasut.

- Taamaannera issiaannarluta sunata akuersaaginnarsinnaannginnatsigu paarlattuamik uagut kommunalbestyrelsemi isumaqarpugut nunatsinni amerlanerusariaqartut, amerlanerunissaannullu peqataarusulluta Nuup illoqarfiata ineriartornissaanut periusissiamik suliaqarsimavugut, Asii Chemnitz Narup Kommuneqarfik Sermersuumi borgmesteri oqarpoq.

Periusissiami pilersaarutit pingaarnersaat aamma qanoq aningaasalersorneqassanersut Kommuneqarfik Sermersuumi kommunalbestyrelse jannuaarip ulluisa 30-anni 31-annilu ataatsimiippat oqaluuserineqassapput kingornalu avammut nalunaarutigineqarlutik Asii Chemnitz Narup oqarpoq. 

AAMMA ATUARUK Asiip Kunuullu mittarfik tallerusuppaat

 

     

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat