- Tassa ukiorpaaluit uuliasiorneq eqqarsaatigalugu isumalluarnarpoq maanna pisoq, Uularik oqarpoq.
Sarap aamma tusakkani nuannaarutigai:
- Soorunami tusagarput nuannerpoq aamma nassaavata Nunatsinnut iluaqutaanissaa neriunarami, Sara neriulluarpalulluni oqarpoq.
Moortap gassimik nassaarneq namminersulivinnissamut alloriarnertut tiguaa.
Aajullu gassimik nassaarneq Nunatta aningaasassaqarnerulernissaannut aqqutaassasoq isumaqarpoq.
Uuliamik nassaarnani gassimik nassaarneq innuttaasut apersukkatta pakatsissutiginngilaat, nassaarineqartoq neriulluarnartutut isigigamikku.
Ole ima oqarpoq:
- Qillerinermi ataatsimi nassaareermata, siunissami nassaarnissaat ilimanarpoq aammami timaatungersua peqareerami. Qangaaniilli ilisimavarput. Aamma tamatigut gassi qalliusarmat neriulluaqaanga.
Apersukkatta amerlanerit ilimagaat Nunatsinni uuliasiortoqalerumaartoq.