Nuummi innuttaasut internettimik atuinerulertut
Coronavirusi pissutigalugu Nuummi innuttaasut amerlaqisut angerlarsimaannarnissartik toqqarpaat. Internettimillu atuinerusoqarnera, Telepostimit maluginiarneqarpoq.
Allattoq Malik Brøns
Nutserisoq Bikki P. Kleist
Nuummi internettimik atuineq 10 procentit missaannik qaffariarsimasoq, Tele-Post KNR-imut ilisimatitsivoq.
Innuttaasut amerlaqisut angerlarsimarujoortillutik filminik isiginnaagassianillu aaneqarsinnaasunik aliikkutaqarluanerat pissutigalugu internettertartut amerleriarsimapput.
Naak angerlarsimaffinni internettertoqarneruleraluartoq, internettersinnaaneq Telepostimut unammillernartoqarsimanngilaq.