Nuummi innuttaasut H1N1-imut akiuussutissamik kapitissinnaanngorput

H1N1-imut akiuussutissamik pisoqarsinnaavoq, nammineerluni Nuummi nakorsiartarfimmut saaffigininnikkut, imaluunniit nakorsiartarfimmut e-mailikkut allannikkut imaluunniit oqarasuaatikkut nakorsiarnissamut inniminniinikkut.

Naartusut H1N1-mut akiuussutisserneqarnissaat neqeroorutigineqarpoq, taakkua tunillatsinnissaat aarlernarsinnaammat, Peqqissutsimut naalakkersuisoqarfik taamatut allagaqarpoq.

Innuttaasut uummatimikkut taqarsuarmikkut puammikkullu ajorunnaarsinnaangitsumik nappaatillit, aammalu timimikkut nappaatinut akiuussutissaminnik sanngiitsut, nualluummut akiuussuserneqarnissaat neqeroorutigineqarpoq.

Nuummi nakorsiartarfik pingasunngornikkut tallimanngornikkullu akiuussutissamik tunisisassaaq, nalunaaqutaq marluniit sisamat qeqqata tungaanut peqqissutsimut naalakkersuisoqarfik nalunaarpoq.

Inuit napparsimalernissaminnut aarlerinaatillit uku kapoortinnissamik neqeroorfigineqarput:

• Ajorunnaarsinnaanngitsunik puammikkut nappaatillit

• Uummammikkut taqarsuarmikkullu ajorunnaarsinnaanngitsunik nappaatillit

• Aammikkut nappaatillit

• Sukkornermikkut kingunerlutsisisunut

• Timip nappaatinut akiuussutissaanik appartooqqasut

• Ujallut sianiutaatigut nappaatilinnut anersaartornermut atuummassuseqarsinnaasumik quersornermullu killiliisinnasut

• Tingummikkut imaluunniit tartummikkut aaqqissinnaanngitsumik atuisinnaajunnaarsimasunut

• Pualavallaartut

• Nappaatinut allanut, nakorsap nalilertariaqagaanut influenzamut aseruuttoornissamut qanittut peqqinnissamullu ulorianartorsiortitsisinnaasumut

Naartusunut ukununnga kapoorut neqeroorutigineqarpoq:

• Qaammatit sisamassaannik naartusunut

• Qaammatit pingajussaa ilanngullugu naartusunut saniatigut nappaatilinnut nappaataannullu sakkortuumik ajorseriartitsisinnaasunut. Saniatigut nappaataa nalilersorneqassaaq qanoq ajortiginersoq naartunermi nalaani.