Nuummi innuttaasunik ataatsimiisitsisoqassaaq

Pinerluuteqarsimasunut inissiisarfittaassaq Nuummiittussaq NuiF-ip iniutaani innuttaasunik ataatsimiisitsinermi unnugu eqqartorneqassaaq. Ilaatigut filmi pinerluuteqarsimasunut inissiisarfimmut suliniummullu ajugaassutaasumut Rambøll A/S-imit suliarineqartumut tunngasoq takutinneqassaaq.

Allattoq Peter Troelsen, Simon Uldum

septembarip 19-at 2013 08:16

Unnugu innuttaasunik ataatsimiisitsisoqalerpat paasisimasallit aperineqarsinnaasut tassaassapput Sanarfinermut Avatangiisinullu ingerlatsivimmi pisortaagallartoq Iain McIlquham Schmidt, planchef Niels Bennetzen, ”Schmidt Hammer Lassen”-mik piginneqataasoq Morten Schmidt, Nuummi pinerluuteqarsimasunut inissiisarfimmi pisortaq, Hans Jørgen Engbo kiisalu Pinerluttunik Isumaginnittoqarfiup sanaartukkanut immikkoortortaani pisortap tullia Jesper Dyreborg.

Paasisimasallit aperineqarsinnaapput aammalu innuttaasunik ataatsimiisitsinermi nal. 19.30-mit 22.00-imut ingerlanneqartussami oqallittoqarneranut peqataassallutik. Kommuneqarfik Sermersuumi borgmesteri Asii Chemnitz Narup tikilluaqqusissaaq, ataatsimiisitsisoqarneranilu kommunip pinerluttunik isumaginnittoqarfik suleqatigalugu aaqqissugaani aamma sutugassaqarumaarpoq.

Nuummi innuttaasunik ataatsimiisitsisoqassaaq

Aamma atuaruk