Nuummi inissianut utaqqineq sivikiliartorpoq

Atorfimmut atatillugu Nuummi inissamik utaqqisuniittut 75 procentimik appariartut Ineqarnermut Attaveqarnermullu pisortaqarfiup nalunaarutigaa.

Siornatigut namminersornerullutik oqartussanut atorfinillutik inissaminnik utaqqisut ilaatigut ukiut marluk angullugit inissaminnik utaqqisarput, ukioq mannali atorfinerlaat assersuutigalugu tallimanik initalimmik initaarniartut qaammatit arfineq pingasuinnaat utaqqigunik inissaminnik tunineqarsinnaanissartik naatsorsuutigisinnaalissagaat ineqarnermut attaveqarnermullu pisortaqarfimmi immikkoortortami pisortap Òlafur P.Nielsen-ip oqaatigaa.

- Utaqqisut ikilinerannut pissutaasunut ilaavoq, atorfinissimasut inissamik tunineqartarneranut inatsisinik allannguisimaneq. Allannguinernut ilaavoq siornatigut atorfilik initaartussaq inissamik tunineqarnermini narrusinnaatitaanera peerneqarmat, aammalu inoqutigiit amerlassusaat naapertorlugu maannakku taamaallaat inissamik tunniussisoqarsinnaalermat. Ineeqqamik ataatsimik amerlanerusumik qinnuteqarniaraanni utaqqinerlu qaammatinik pingasuinnarnik sivisunerussappat ineqqaamik ataatsimik sippulimmik qinnuteqartoqarsinnaavoq. Ineqarnermut Attaveqarnermullu pisortaqarfimmi immikkoortortami pisortaq Olafur P.Nielsen nangilluni oqarpoq nangillunilu:

- Inatsisinik sukaterineq ilaatigut kingunerlussinnaasarpoq, inoqartarpormi inissiarsuarni nipituuliortartunik. Taakkualu saniliminnik unnuami eqqissiviilliortitsisarput, narrusinnaannginnerullu tamanna kingunerluutigaa, tassa inissiarsuarni unnuami nipiliortartut akornanni inissinneqarsinnaaneq, tamakkununngali aamma sukaterisoqassaaq, tassa nipituuliortartut inigisaminniit anisinneqartalissapput.

Ukiuni kingullerni marluni piginneqataalluni inissiarliornerit 200-ut sananeqarsimasut. Olafur Nielsen-ip naggasiutigalugu oqaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat