Nuummi inissiani najugallit toqqissisimaarnerulersut

Securitasimi pigaartunut saaffiginnilluni, Nuummi inissiani nipiliortut maalaarutigineqartartut tallimariaammik amerleriarsimapput.

Nuummi A/S Inissiaatileqatigiiffiup INI-p inissiaataannik attartortut nipiliortunik maalaaruteqarniarunik, maajip qaammataanili nakkutilliisoqarfimmut Securitasimut sianersinnaanngorput.

Nipiliortoqartillugu attartortut maalaaruteqarniartut Securitasimut sianertarput. Pigaartoq adressimut pineqartumut apuuttarpoq, nipiliortoqarneralu nalunaarsortarlugu. Assersuutigalugu unnuakkut nipiliortumukarsimappat, nalunaarusiaq aqaguani INI-mut tunniunneqartarpoq.

Taama suleriaaseqalerneq malunniuteqarsimaqaaq. Ukioq manna qaammatit siulliit sisamat agguaqatigiissillugit qaammammut maalaaruteqartut 20-usarsimapput. Securitasimullu sianersinnaalernerup kingunerisaanik kisitsit taanna maanna 100-nngorsimavoq, INI-mi sulisunut pisortaq Mogens Hansen oqarpoq.

Nuummi Radiop Qaqqaani immikkoortortami siulersuisuni siulittaasup, Poul Heilmannip INI-mit taamatut periarfissiineq iluaraa toqqissisimanartuutinnerarlugulu:

- Isumassarsiatsialaavoq. Siornatigut ima issimavoq maalaarut inissiamiittoqatigiiaanit atsiorneqarsimasoq INI-mut nassiunneqartartoq. Taamaalinikkut INI-mit qisuariaateqarneq utaqqinangaatsiartarpoq. Maannakkulli sukkanerusumik sullissineq ingerlanneqalerpoq, Nuummi Radiop Qaqqaani najugaqartut immikkoortortaqarfianni siulittaasoq Poul Heilmann oqarpoq.

INI-mi sulisunut pisortap Mogens Hansenip aammattaaq iluaraa Securitasimut sianertoqarsinnaalernera.

- Attartortut pitsaanerusumik sullinneqarnerat iluaqaaq, sukkanerusumillu pilertortumillu periarfissinneqarnerat toqqissisimanarpoq, Mogens Hansen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat