Nuummi INI Securitasilu suleqatigiilerput
maajip 01-at 2005 16:56
Ullumi majip aallaqqaataa aallarnerfigalugu Nuummi INI pigaartoqartitsisalerpoq, inissiani eqqissiviilliornerit nipiliornerillu unitsinniarlugit.
INI-p Securitas-i suleqatiginiarlugu isumaqatigiissuteqarfigisimavaa, inissianilu najugaqartut Securitas-imut saaffiginnissinnaapput sanilit nipiliorpata, nipituumik nipilersorpata, fiisterpata, kamaappata allatulluunniit nipiliorpata.
Securitas saaffigineqaruni orniguttassaaq allagaqarlunilu. Matuni tusarnaartassaaq nakkutilliillunilu, allagaqaataalu sanilit naammagittaalliuutigineqarpata uppernarsaatitut atorneqarsinnaassaaq.
Securitasip INI-llu suleqatigiillutik aallartinneraniit ataatsimik saaffiginnittoqareersimavoq.
Ilisimatitsissutigineqarpoq Securitasi politiitulli pisinnaatitaaffeqanngimmat.