Nuummi imaani uuliakoortoqartoq

Nuummi umiatsiaatillit peqatigiiffiata umiatsialivia sisamanngornermi ualisoq uuliamik kuuttoorfiuvoq. Qatserisartut tamatuma kingorna takkukkamik uulia imaanut umiatsiat akornannut siaruarsimasoq siumorpaat erngerlutillu katersulrlugu

Nuummi Qatserisartut sisamanngornermi ualisoq uuliakoortoqarsimaneranit kalerrinneqarput. Iggiaanut misissuiartoramik, tamaani uulia imaanut siaruarsimasoq naammattoorpaat katersulerlugulu.

Qatserisatut pisortaata Knud Petersenip oqarnera naapertorlut puussiarsuit qernertut arfinillit uulianik immerneqarput. Uulialu umiatsiat akornannut siaruaassimammat Godthåb Bådforeningimi umiatsiaatilinnut kinguneqartitsissaaq.
- Soorunami uulia umiatsiap sinaanut nippussuuppoq. Taavalu gummebådit imaaniissimappata uuliakoq taakkununnga ajoqutaangaatsiartarluni, allaat gummibådip atorsinnaajunnaarnernanik kinguneqarsinnaalluni, Godthåb Bådforeningimi havnemester Johan Boassen taama oqarpoq.

Umiatsinut talittarfimmut aatsaat uuliakoortoqanngitsoq taanna oqarpoq.

Uuliakulli suminngaaneersinnaanera upalungaarsimasut suli misissorpat, tamaammallu tamatuminnga oqaaseqarsinaanatik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat