Nuummi ilisaassaaq

Jonathan Motzfeldtimut nuliaasup ilaqutaasullu kissataat malillugu Nuummi ilineqassaaq.
oktobarip 29-at 2010 10:55

Inuit 100-t sinneqangaatsiartut Jonathan Motzfeldt kingullermik ataqqiniarlugu Dronning Ingridip Napparsimavissuani ippassaq unnukkut katersuupput.

Naggammik inuulluaqqusineq pilattaalluni Ambulatoriamut inissinneqarsimavoq, toqusut inaat mikivallaarmat.

Inuppassuit, ilaqutaasut, politikerit ikinngutaasullu Jonathan Motzfeldtip nalaffia sanioqquavaat, biskopilu Sofie Petersen Jonathan Motzfeldtimut tunngasumik naatsumik oqalugiaateqarluni.

Erinarsuutit marluk erinarsorneqarput, ilaatigut tussiut, toqusup qatanngutaasa Qaqortormiut kissaatigisimasaat. Tussiut Juuntaap arnaata ajornartorsiornermi sernissaatitut tussiutigisarsimasaa.

Ilisinerup qaqugorpiaq pinissaa kingusinnerusukkut nalunaarutigineqarumaarpoq.