Nuummi ilinniartitsisut akerliussutsimik takutitsilerput

Kommuneqarfik Sermersooq aappaagu 2011-mi 50 million koruuninik amigartooruteqartussaavoq, kommunalbestyrelsillu amigartoorneq matussuserniarlugu ilaatigut atuarfeqarfiup sipaarniutigineqarnissaa pilersaarutigaa.

Nuummi nutaamik atuarfiliortoqarpoq atuarfillu alla matuneqassalluni. Taamaattoqarneralu pissutigalugu ilinniartitsisut kattuffiat, IMAK, akerliussutsimik takutitsiniarpoq.

- Atuarfeqarfiup sipaaruteqarfigineratigut meeqqat inuusuttullu ilinniagaqarsinnaanerat annertuumik sunniuteqarnerluffigissavaa, Sivso Dorph tusagassiutinut nalunaaruteqarluni allappoq, nangillunilu:

- Sipaaruteqarniarnerup kingunerissavaa atuarfinni eqqissiviinnerujussuaq sakkortusassavaa taamaalilluni atuarnermi pissarsiaqartarneq annikinnerulissalluni, Sivso Dorph allappoq.

Akerliussutsimik takutitsinissaq ualimut nalunaaqutaq 15:15 aallaartissaaq, Ilinniartitsisut Kattuffiata IMAK-ip allaffeqarfianit, Noorlernut nr. 23-miit kommunip allaffiata eqqaata tungaanut ingerlaartoqassalluni.