Assi: KNR

Nuummi ikuallannermut atatillugu arnaq tigummigallarneqartoq

Nuummi Qinngorpumi ikuallattoqareernerata kingorna inissiamik piginnittoq tigusarineqartoq, politiit nalunaarutigaat. Tigusarneqartorlu ulluni 26-ni tigummigallarneqartussanngortoq, Kalaallit Nunaanni politiini unnerluussisoq, Kristian Meyer KNR-imut oqarpoq. 

Nuummi illoqarfiup ilaani Qinngorpumi inissiaqarfimmi tallimanngornermi ullup qeqqanngitsiartoq ikuallattoqarpoq.

Qatserisartut, Politiit ambulancellu ikuallaffiusumut pilertortumik ornigupput. Qatserisartullu qamisaalertorlutik.

Inissiaqarfik qanoq ililluni ikuallalersimanersoq paasiniarneqarmat piaaraluni ikuallatsitsisimasoqarnissaa pasitsaanneqarpoq, inissiamilu najugaqartoq pasineqarluni tigusarineqarpoq.

AAMMA ATUARUK Politiit ikuallattoqarneranut atatillugu tigusarisaqartut

Pasisatut tigusarineqartoq inatsit tunngaviusoq naapertorlugu arfininngornermi matoqqasumik killisiorneqarpoq, ullunilu 26-ni tigummigallarneqarnissaa Sermersuup Eqqartuussiviata arfininngornermi aalajangiuppaa.
Ikuallaffiusoq suli misissuiffigineqarpoq, taamaammat suliamut tunngatillugu politiit annerusumik paasissutissiisinnaanngikkallarput.

AAMMA ATUARUK Inuit marluk napparsimavimmut unitsinneqartut

Ikuallattoqareersorlu inuit marluk Dronning Ingridip Napparsimmavissuanut unitsinneqarput, unitsinneqartullu appaa politiinit tigusarineqartuulluni. Tigusarineqartoq eqqartuuussivimmi ullumi najuusinnaasimavoq.

Politiit aamma ilisimatitsissutigaat, ikuallattoqarnerani inissiami majuartarfiit innarlerneqarsimasut, inissiallu arlaqartut qatserisartut qamitsiniarnerannit imermik innarlerneqarsimanerarlugit. 

AAMMA ATUARUK Ikuallannerup kingorna ilaqutariit inissikkallarneqarput

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat