Nuummi ikuallanneq: Paasiniaaneq maanna aallartilerpoq
Nuummi Iggiaani Royal Arctic Linellu umiarsualiviani illorsuaq Usisaammit pigineqartoq marlunngornermi unnukkut ikuallalerpoq.
Ikuallanneq politiinut nalunaaqutaq unnukkut qulingiluat missaani nalunaarutigineqarpoq, unnuallu qeqqata missaani qaminneqarsinnaasimalluni.
Kalaallit Nunaanni Politiit pigaartuisa ilaat Aqqalu Petersen KNR-imut ullaaq manna taama paasissutissiivoq.
- Ikuallanneq misissussagatsigu pisoqarfiup nalaa suli matoqqavoq, taanna oqarpoq.
Ikuallannermi inunnik ajoqusertoqanngilaq.
AAMMA ATUARUK Nuummi politiit: Ikuallattoq qanillinagu
Illu ikuallattoq Usisaammit pigineqarpoq, peqqumaasivittullu ilaatigut atorneqartussaagaluarluni.
Illu marlunnut avinneqarsimasoq Aqqalu Petersenip nassuiaatigaa, illullu avannamut sammisortaa tassa ippassaq ikuallappoq.
Putsup ulorianarsinnaanera pillugu qatserisartut ittuat marlunngornermi unnukkut qanillattueqqusinngilaq, qanittuanilu najugallit qanillinaveersaarnissaat, isersimaannasrnissaat igalaatillu matoqqatiinnassagaat kaammattuilluni
Ikuallanneq qanoq aallartissimanersoq politiinit maanna paasiniarneqalersoq Aqqalu Petersenip aamma paasissutissiissutigaa.