Nuummi GU rektorertaarpoq
Ilinniartitaanermut ilisimatusarnermullu naalakkersuisoqarfik nalunaarpoq Hanne Sparholt Jørgensen ippassaq atuutilersumik atorfinitsinneqartoq.
Hanne Sparholt Jørgensen Køge Gymnasiumimi rektorioreerluni atorfinippoq. Taanna aamma Danmarkimi gymnasianut inatsisip allanngorneranut atatillugu piareersaanermi, pilersaarusiornermi atuuttunngortitsinermilu ilinniartitseriaatsini nakkutilleeqataasimavoq.
Københavnip Universitetiani qallunaat oqaasiini, timersornermi psykologimilu kanditatiunermi saniatigut Hanne Sparholt Jørgensen almen pædagogikimi Syddansk Universitetimi masteriuvoq.
Hanne Sparholt Jørgensen aamma Syddansk Universitetimiit perorsaanikkut suleriaatsinik ineriartortitsinermik misilittagaqarpoq, tassanilu ekstern rektoritut ilaatigut atuagarsornikkut piareersaariaatsinik ilinniartitsinerup piareersarneqarnera ilinniartitsinerlu ingerlatarisimallugit, kalaallit danskillu gymnasiaanni ilinniartitsisuusut perorsaanikkut ilinniartitaanerannut atatillugu.
Nuummi GU ukiup atuarfiusup 2012/13-ip aallartinneranni 397-inik ilinniartoqarpoq aallarterlaallu gymnasiani aaqqissuussineq nutaaq atorlugu ilinniartuupput.