Nuummi Grønlandsbankimi tillinniartoqarsimavoq

oktobarip 31-at 2005 14:19

Nuummi aningaaserivimmi Grønlandsbankimi sapaatip akunnerata naanerani tillinniartoqarsimavoq.

Tillinniarsimaneq arfininngormat ullakkut nalunaaqutaq arfernguqeqqalersoq Securitas-imit Nuup politiivinut kalerriutigineqarpoq.

Tillinniat bankip tunuani matup igalaava qammasissiamik aseroriarlugu isersimapput.

Bankip iluani ilisivik aningaasanik imaqartoq qiuutinik sakkulerlutik ammarniarsarisimagaluarpaat, iluatitsinatilli.

Tillinnialli aggorsimasunut kisitsissut aggorsimasunik 2.000 koruuninik imaqartoq tillissimavaat.

Nuummi stationslederi Bent Heiselberg oqarpoq ukiuni 28-ini nunatsinniinnermini aatsaat aningaaserivimmi tillinniartunik naammattuilluni.

Politiit aningaaserivimmi misiisuinerminni assanni pussuit ipaasa naqinnerinik nassaarsimapput, taakku misissugassanngorlugit Danmarkimut nassiunneqarput. Tillinniat katatarisimasaannik politiit aamma nassaarsimapput paasiniaanerminni atorsinnaasaminnik.