Nuummi gassimik aniatitsisoqarnerani inuk ataaseq tigusarineqartoq

Inuup gassi naamaarniarlugu ammarsimavaa. Politiit sumiiffimmut ornigupput suliaqarnertillu maanna naammassillugu.
Kalaallit Nunaanni Politiit toqutsinernik suliani sisamani suli misissueqqissaarput. Assi © : Pressefoto/Rigspolitiet
Allattoq Christine Hyldal, Hanna Vestergaard Hviid
maajip 20-at 2022 14:38

Kalaallit Nunaanni Politiit Nuummi Nuussuarmi gassimik aniatitsisoqartoq pillugu nalunaaqutaq 13.52 nalunaarfigineqarput.

Politiillu pisoqarfiusumut ornigukkamik gassi naamaarniartumit ammarneqarsimasoq paasivaat. Gassi taamaalilluni silaannarmiilerluni.

Kalaallit Nunaanni Politiit KNR-imut taama paasissutissiipput.

Politiit suliaqarnertik naammassivaat, suliarlu maanna misissuiffigeqqissaarneqassalluni. Politiit pisumut atatillugu inuk ataaseq tigusaraat. 

Politiit tigusarinninnerminnut atatillugu piffissami matumani annerusumik oqaaseqarsinnaanngillat.

Politiit sumiiffimmi assersuinikuupput.

Nuussuarmi pisoq umiarsualivimmi gassimik aniatitsisoqarnerani sisamanngornermi ajunaarnersuaqarnissaanut kalerrisaaruteqartoqarneranut attuumassuteqanngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq