Nivi Pedersen (saamerleq) piviusulersaarusiaminut "Pilluarneq Ersigiunnaarpara"-mut nersornaatisitinneqarpoq. Assimi filmiliortartoqatini Nina Skydsbjerg takuneqarsinnaapput.Assi: Nuuk International Film Festival / Filmiliortarfik

Nuummi Film Festivalertoqarnerani piviusulersaarut nersorneqartoq

Nuuk International Film Festivalip nersornaasiuttagaa pingaarneq Nivi Pedersenimut tunniunneqarpoq.

Nuuk International Film Festival pingasunngormat aallartittoq ippassaq arfininngornermi naammassineqarpoq.

Isiginnaagassiat arlallit takutinneqarput, ilaallu nersornaaserneqarlutik.

Festivalimi nersornaat pingaarnerpaaq, tassa Innersuaq ilitsersuisumut isiginnaartitsisartumullu Nivi Pedersenimut tunniunneqarpoq.

Taanna nunatsinni isiginnaagassiornerup silarsuaani ukiuni kingullerni maligassiuilluartutut nersorniarneqarluni.

Piviusulersaarut "Pilluarneq Ersigiunnaarpara" ilitsersuisuunini nersornaaserneqaatigaa. Sammisarlu kinguaassiutitigut atornerlunneqarsimanermut tunngasuummat peqataaffigissanerlugu eqqarsaatersuutigeqqaarsimavaa.

- Aallaqqaammut eqqarsaatingersuaarnikuuara ilumut uunga filmiliornissannut piareersimavunga?. Taavalu qanoq iliornikkut ajunnginnerpaamik oqariartuummik anngussisinnaanerlunga, Nivi Pedersen KNR-imut oqarpoq.

Sammisamut pingaarutilimmut suleqataasoq

Isiginnaagassiaq piviusulersaarut Naalakkersuisut kinguaassiutitigut atornerluineq akiorniarlugu periusissiaata Killiliiisap ilagaa, tassani anguniagaavoq pitsaasumik allannguuteqartoqassasoq, Kalaallillu Nunaanni kinguaassiutitigut atornerluinerit annikillissasut.

- Taamaammat eqqumaffigisorujussuunikuuarput arlaannik pisariaqartitsisoqalissappat oqaloqateqarsinnaanissaq. Taanna assorujussuaq iluaqutiginikuuarput assiliiviup saavani tunuanilu suleqataasorpassussugut.

Inuit marluk meeraanerminni kinguaassiutitigut atornerlunneqarsimasut inersimasunngorlutik pitsaanerusumik inuuneqalernissamut assoroornerat piviusulersaarummi malittarineqarput.

Taamaalilluni kinguaassiutitigut atornerlunneqarneq pillugu sammisaq paasiuminarsarneqarpoq tigussaasunngortinneqarlunilu.

Piviusulersaarutillu filmiliornerup silarsuaani tigulluarneqarmat Nivi Pedersenip nuannaarutigaa.

- Nuannertorujussuuvoq soorunalimi taamannak nersorneqarluni. Tulluusimaarutigivara aamma filmiliortartoqatinnit nersorneqarusunnera.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat