Nuummi festival nutaarluinnarnik nipiliuteqalersimasoq tusaamasarsuillu tusarnaartitsiniarnerannik ussassaarisoqarpoq
Nipilersoriaatsit assigiinngitsut soorlu, sakkortuunik nipilersortut, elekro-popit, hip-hop-ip qiiaamminarsinnaasut Akisuanerit Festivalimi ukiormanna misigisaqarfigisinnaasavit ilagai.
Inussivimmi tusarnaartitsisoqalerpat nipiliuutit nutaarluinnaat tusarnaartitsinermi atoqqaarfissiortinneqassapput.
Siornatigut unnummi festivalimut isertut 2500-juusinnaasut ukiormanna Inussivimmi aaqqissuisut 2000-inut killiliipput. Taama iliornikkut tusarnaariat misigisaqarluarnissaat anguneqassaaq.
Pop-imi erinarsortartoq takoqqillugu:
Ukioq 2019-mi Akisuanerit Festivalertoqarmat nunarsuaq tamakkerlugu tusaamasarsuaq MØ Katuaq inunnik ulikkaarlugu tusarnaartitseqataavoq.
Arfininngornermi oktoberip tallimaani MØ erinaatotoqqani nutaanik ilapittorlugit tusarnaartitsissaaq. Kalaallit Nunaat tikeraarsimareerlugu nunani tamalaani tusarnaartitsivoq, ilaatigut nersornaaserneqarluni ajugaavoq.
Ilanngullugu inuusuttuaqqanut arfininngornerup ualiani tusarnaartitsissaaq, tassani Frederik Elsnerip erinaatini suliami taaguuserneqartoq ’Naluneqartut’ Pukuut, Don Maliko kiisalu sakkortuunik nipilersortartup Akugdlek Reimer peqatigalugit appissapput. Inuusuttuaqqanut tusarnaartitsinermi imigassat aanngajaarniutillit sassaalliutigineqassanngillat.
Kalaallit Nunaanni nipilersortartut nalunnginneqarluartut:
Appittussatut kissaatigineqarluarsimasoq Enok Poulsen band appinnissaat sioqqullugu nipilersoqatigiit Alfa oktoberip sisamaani aallarniissapput.
Tusass Music appisimaarneqarnerpaatut inissisimasut nipilersoqatigiit Sussat, ilaatigut millionit affai angullugit tusarnaarneqarsimasoq unnuap-qeqqata missaani appissapput, Kalaallit Nunaanni erinarsullammattut nalunnginneqartoq Mariina tallimanngonermi appisimaarneq naggasissavaa.
Om lørdagen åbnes festivalen med metalbandet Sound Of The Damned, inden sanglærken Kimmernaq med band går på med deres pop-rock-genre.
Sakkortuumik nipilersoriaasillit taaguuteqartut Sound Of The Damned arfininngornermi aallarniissapput, erinarsortartoq nalunnginneqarluartoq Kimmernaq nipilersoqataalu pop-rockimik nipilersoriaasillit tullinnguukkumaarput.
Unnuap-qeqqata missaanit Mø nipilersoqatinilu appissapput, Kalaallillu Nunaanni tusaamasarsuit Pukuut pikkunarsakkamik naggasiissapput.
Nuummi pisiniarfiit Atlantic Music aamma Nønne billetsinik/isissutissanik akiginiaasuupput. Akisuanerit Festival Nuummi pisussaq ulloq oktoberip sisamaani aamma tallimaani pissasoq aaqqissuisut ilisimatitsipput.