Nuummi ernguttut eqqissiviillioqaat
Angerlarsimaffinni eqqissiviilliornernut 17-inut politiit orniguttariaqarsimapput eqqissiviilliorfiusunillu sisamat meerartaqarsimapput. Inuk ataaseq tigusarineqarpoq politiit isertitsivianni qaatusserlunilu eqqissisartinneqarluni.
Sapaatip akunnerata naanerani julefrokostertoqarlunilu tusarnaartitsisoqarpoq nuannannerlu piffiusut matunerisa kingorna ingerlaqqissimavoq. Aqqusinerni eqqissiviilliornernut arfineq marlunnut politiit ornigupput inuillu marluk tassani tigusarineqarput.
Persuttaanerit tallimat aamma nalunaarutigineqarput marlunnillu politiit tigusarinnipput. Imigassartorsimasut aamma aquutip tunuanut ingittarsimapput politiinilli naammattoorneqarlutik. Inuit pingasut imigassartorsimallutik biilertut naammattoorneqarput aammalu ataaseq imigassartorsimalluni snescooterertoq unitsinneqarluni.
Tillinniarnerit 17-it nalunaarutigineqarsimapput. Amerlanertigut umiatsiat tillinniarfigineqartarsimapput benziinamik tillittoqartarsimalluni. Politiit ilimagaat biilertut benziinamik tillinniartarsimasut benziinat tillinneqartut uuliamik akoqanngimmata.
