Nuummi Eqqumiitsulianut katersugaasiviup eqqaani naneruarfilisartoqassaaq

Nuummi innuttaasut ullumi tallimanngornermi decembarip 21-iani ileqqutoqqamik misigisaqarnissaminnut imaluunniit misigisaqaqqinnissaminnut periarfissinneqarput. Nuummi Eqqumiitsulianik katersugaavik katersugaasiviup eqqaani naneruarfilisarnissamut qaaqqusivoq.
decembarip 21-at 2012 04:30

Qanga juullip qallinera nalliussiniarlugu meeqqat naneruarfiit pappiaqqanik sanaat pinnguarisarpaat. Meeqqat naneruarfinnik nammineq nassarsinnaapput, peqanngikkunilli katersugaasivimmi pisisoqarsinnaavoq.

Katersugaasivik meeqqanut, inuusuttunut ilaqutariinnullu Nuummi Eqqumiitsulianut Katersugaasiviup silataani tamanut ammasumik sammisaqartitsiniarpoq. Kakaavimik, tiimik, kaffimik poor'lunillu pisiassaqarumaarpoq.

Aaqqissuussineq nalunaaquttap akunnerinik marlunnik sivisussuseqartussaq nal. 14.00 aallartissaaq nal. 16.00-ilu naneruarfilisarluni Amisunut ingerlaaqatigiittoqassalluni.