Nuummi kommunalbestyrelsemi partiit isumaqatigiinniarneranni ippassaq unnukkut Demokraatinit peqataaffigiunnaarneqarpoq. Taamaasilluni partii arfinilinnik ilaasortaatitaqalersoq, illua-tungiliuttutut ukiuni sisamani tulliuttuni inissisimalissaaq.
- Neqeroorutigigaluarparput aqutseqataasinnaalluta, demokraatilli arajutsisillugit iliortoqarpoq, isumaqarpungalu suluusalinnut mittarfik pineqartoq, Demokraatiniimmi Nuup kujataani mittarfiliornissaq piumanerugatsigu, Demokraatit siulittaasuat Per Berthelsen ippassaq unnukkut radioaviisimut oqarpoq.
Per Berthelsen isumaqarpoq taasisutik qimarratiginagit, illua-tungiliuttutummi issianeq aamma demokraatiimi nukittuujusinnaammat.
- Kommunalbestyrelsemi Demokraatinit ilaasortanngortut marloriaatinngorput, tamannalu nuannaarutissaavoq, Per Berthelsen oqarpoq.