Nuummi borgmesterinngorniunneq sakkortussagunarpoq

Apriilip 5-anni Nuummi kommunalbestyrelsimut qinersinissami partiit tamakkerlutik nuimasortaminnik qinigassanngortitsipput, borgmesterinngorniunnerlu aatsaat taama sakkortutigissagunarpoq.

Nuup kommunalbestyrelsianut qinigassanngortittut 49-pput, kommunalbestyrelsimilu inissat 17-llutik.

Borgmester Agnethe Davidsen, (S), qinigassanngorteqqippoq, Demokraatit siulittaasuat Per Berthelsen aamma qinigassanngorteqqippoq, taanna qinigaaffimmi uani borgmesterip tulliatut siullertut inissisimavoq.

Qeqertarsuarmi borgmesteriusimasoq, Inatsisartunilu ilaasortaasimasoq, Maliinannguaq Marcussen Mølgaard (IA) qinigassanngortippoq, Atassutillu Nuummi immikkoortortaqarfiani siulittaasoq Inatsisartunilu ilaasortaasimasoq Jensine Berthelsen aamma qinigassanngortilluni.

Inatsisartunilu ilaasortat arlallit aamma qinigassanngortipput, tassaasut Doris Jakobsen, (S), Astrid Fleischer Rex (D) kiisalu Finn Karlsen (A).

Qinigassanngorteqqittut arlaqaalupput. Agnethe Davidsen aamma Per Berthelsen taareerpagut, allallu tassaapput SIP-p Nuummi siulittaasorisimasaa Rigmor Thaarup Høegh (S), Morten Heinrich (S) kiisalu Elisabeth Ravn Johansen, Ove Karl Berthelsen aamma Mia Nielsen (IA)q.

Qinigassanngorteqqittut akornanniippoq Nuup kommunalbestyrelsianni sivisunerpaamik ilaasortaasimavoq, Aggooraq Lynge (A), ukiuni 22-ni ilaasortaasimasoq.

Qinigaaffimmi uani partiimut allamut nuussimasut pingasuupput. Per Berthelsen Siumumiit tunuariarluni Demokraatit aallarnerpai, Atassullu sinnerlugu qinigassanngortissimasut Erik H. K. Heilmann aamma Esmar Bergstrøm maanna Demokraatit tunuliaqutaralugit qinigassanngortipput.

Siullermeersumik qinigassanngortittuni nuimasoq ataaseq taasariaavoq, tassaavorlu arpattartoq Kim Godtfredsen. Taanna Siumut sinnerlugu qinigassanngortippoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat