Nuummi biilit sukkaqalutik unnuaq malersuuttut

Nuummi politiit unnuaq sisamanut qiteqqutilersoq, biilinik ingerlaartunik naliginnaasumik misissuinerminni, biili tungujortoq angummit 21-nik ukiulimmik ingerlanneqartoq uneqqullugu kalerrisaarigaluarput. Biilili ingerlaannarpoq, tamatumalu kingorna sukkalisaalermat malersuineq pilerluni, politiit sermitsiaq.ag-mut taama oqaluttuarput.

Malersuinermik inuit isiginnittut oqaluttuarput, politiit biili pingasut malersuinermut peqataasimasut.

Nuup ilaani Nuussuarmi biili sukkalissaarnerulermat, assakaasui aallaammik politiinit eqqoriarneqarput.

- Assakaasui pingasoriarluta qaarteriaraluarpavut, politii unnuaq pigaartuusoq, sermitsiaq.ag-mut oqaluttuarpoq.

Biili sukkalisaaqaluni Nuup illoqarfiata pisoqaanerusortaata tungaanukartilluni, Rigsombudsmand-ip illuata naatsiiviata ungaluusaanut aporpoq unillunilu.

Tassani paasinarsivoq, aquttoq tassaasoq 21-nik ukiulik aalakoortoq biilimillu tillitaminik ingerlatsisoq. Aporluni uninnermi kingorna angut biilimit anerusunngimmat, biilip igalaavi politiinit aserorneqarpoq angullu tigusaralugu, politeeqarfimmi pigaartoq oqaluttuarpoq.

Angut biilernissamut allagartaqanngitsoq, politiip Mads Lynge-p sermitsiaq.ag-mut oqaluttuaraa.