Nuummi biilit sisamat aporaattut
Biilit sisamat Nuup ilaanut Qinngorpumut aqqusinermi Stanislawip Isikkiviata nalaani marlunngornermi ualikkut aportiterput.
Qinngorpumut aqqusineq assersorneqartoq, politiini piareersimasut pisortaat Aqqaluk Petersen oqarpoq.
Allattoq Jaaku Lyberth
marsip 19-at 2019 16:00
Nutartigaq: Nuup ilaani aqqusinermi Stanislawip Isikkiviata nalaani biilit sisamat tulleriit ualimut aportitermata aqqut matuneqarpoq.
Tamatumalu kingorna ambulancet, politiit qatserisartullu ajutoorfiusumukartinneqarlutik, Nuummi politiini piareersimasut pisortaat Aqqaluk Petersen KNR-imut oqarpoq.
Nuummi politiit nalunaaaqutaq 15.08 taama kalerrinneqarput, ajutoornerlu Qinngorpumut aqquserngup matuneranik kinguneqarpoq, aqqulli nal. 16.09 assersorneqarunnaarluni.
Politiit naapertorlugit inuit pingasut tamarmik annertungitsumik ajoquserput.
- Silap ersarlunnera aqquserngillu quasarnerat pissutigalugit ajortoortoqarsimanissaa maannamuugallartoq nalilerneqarpoq, Nuummi politiini piareersimasut pisortaat Aqqaluk Petersen oqarpoq.
