Nuummi biilit ajutoortut
Nuummi politiit pasitsaassimavaat imigassartorsimalluni biilerneq aammalu aqquserngit quasannerat sapaammi ullaakkut nalunaaqutaq 05.33 biilit ajutoornerannut pissutaasut.
Ajutoorneq pivoq Qernertunnguit ataatungaanni nerngallattarfimmi ajutoornermilu inunnik ajoqusertoqanngilaq.
- Unnuap ingerlanerani aqqusineq kanersimavoq aammalu nataqqornalaarsimalluni. Ajutoornermut pissutaasut tassaannguatsiarput sukkavallaamik ingerlaneq, imigassartorsimaneq kiisalu sukkassutsip avatangiisinut naleqqussarsimannginnera, Nuummi politiini pigaartuusoq Jesper Fleischer KNRimut taama oqaluttuarpoq.
Biilimiittuupput angutit marluk napparummut bussinillu utaqqisarfimmut aporsimasut. Pisuinnaat ikaartarfianni napparut aporneqarnermini uppissimavoq.