Nuummi biilinik qimarngussisut marluk tigusarineqarput
Arfininngornermi ullaassakkut tallimanngulersoq politiit nalunaarfigineqarput, biili pissusissarinngisamik ingerlaartutut pasinapiluttoq takuneqartoq.
Politiit biilii nalunaarutigineqartumukartinneqarput.
Biilit pasinapiluttutut ingerlaartumut politiit takkummata biilinik aquttoq politiinit qimaariaraluarpoq.
Politiit anngummata biili alla aamma paasinapiluttut ingerlaartoq politiinit qimaariaraluarpoq.
Biilit politiinit sivikitsumik malersorneqareerlutik unipput, aappaa kussinermut nakkarpoq - biilinillu aquttut qimaariaraluarput, tamarmilli politiinit anguneqarput tigusarineqarlutillu.
Tigusarineqartut killisiorneqarput tamarmillu bilinik tillissimasutut pasineqarput, politiinit pigaartoq taama oqaluttuarpoq.
Biilinik qimarngussilluni malersuisoqarnerani ajoqusertoqanngilaq.