Politiit oqarnerat naapertorlugu angut ajutoornermi kingorna ajoqusingaatsiarsimasinnaavoq. Taamaammat politiit angut attavigerusuppaat taamaalilluni nakorsanit ikiorneqarsinnaammat.Assi: Pressefoto/Rigspolitiet

Nuummi biilinik ajutoortoqarnerani arnaq ajunaartoq

Kalaallit Nunaanni Politiit Nuup Nuussuartaani biilinik unnuaq ajutoortoqarneranut atatillugu angut ujaaraat. Politiit oqarnerat naapertorlugu angut nakorsanit ikiorneqartariaqarsinnaavoq.

Politiit oqarnerat naapertorlugu angut biilinik Nuummi Nuussuarmi Sorlaani sisamanngornermi ajutoornermi ilaavoq. Biilimik ajutoortoqarmat tallimanik ilaasoqarpoq.

Biilimi ilaasut sisamat aqqunartitersimasut napparsimmaviliaanneqarput. Taakkunanilu ilaasoq arnaq toqulluni. Arnamut ilaqutaasut kalerrinneqareerput. Ilaasut sinneri pingasut inuunerminnik navianartorsiunngillat.

Politiit Nukannguaq Berglund Alaufesen ujaaraat. Angut 20-t sinnerlugit ukioqartutut nassuiaatigineqarpoq. Assamigullu aasiaat qassutaatut ilusilinnik kakiorneqarluni.

Politiit oqarnerat naapertorlugu angut ajutoornermi kingorna ajoqusingaatsiarsimasinnaavoq. Taamaammat politiit angut attavigerusuppaat taamaalilluni nakorsanit ikiorneqarsinnaammat.

Angutip sumiinneranik sumiissinnaanerannillu ilisimannittut Nuummi Politiinut oqarasuaammut 701448-mut piaartumik saaffiginneqquneqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat